Ներկայացում ,,Գարունածաղիկը,,

Դեկտեմբերի 14-ին մեծ ոգևորություն էր 5գ դասարանում:
Ուսուցչուհի Գայանե Գալստյանը հանդես եկավ իր հերթական հետաքրքիր մտահղացմամբ:
Պրեմիերա էր սպասվում. առաջին անգամ դպրոցի պատմության մեջ պետք է կայանար բեմականացում, որ անվանել էին ,,փողոցային ներկայացում,, կամ ,,ներկայացում՝ ոտքի վրա,,: Նրանք դա իրականացնելու էին երկար դասամիջոցի ընթացքում հենց միջանցքում:
Ամեն ինչ շատ լավ էր ու գեղեցիկ: Աշակերտները կարողացան հաջողությամբ ու համախմբված լուծել մայրենիի ուսուցչուհու՝ Գ. Գալստյանի կողմից առաջադրված խնդիրը: Ներկայացնում էին իրենց թեմաներից ՛՛Գարունածաղիկը՛՛: Սցենարի հեղինակն իրենք էին. Ավելացրել էին նոր կերպարներ, նոր երկխոսություններ. մասնակցում էր ամբողջ դասարանը: Զարմացած էին հանդիսատեսները. գոհ էին աշակերտներն իրենց աշխատանքից. ուրախ էր արդյունքից ուսուցչուհին:
,,Փողոցային ներկայացման,, հիմքը դրվեց դպրոցում:

Հուսով ենք՝ այն կդառնա ավանդական ու մի նոր գույնով կլցնի աշակերտների առօրյայի մի մասը::

ՆՈՐԻՑ ԵԿԱՎ ՆՈՐ ՏԱՐԻՆ

ինչւ մենք չենք հասցնւմ  սովորել

Մեր գերազանցիկները

Մեր դասարանը

Հաղորդում հայ մեծ գրողների մասին

Սեպտեմբերի 19-ն է: 5գ դասարանում մայրենիի հերթական դասն է: Աշակերտները կարդացել, սովորել էին հայ մեծ գրողներից Ավ. Իսահակյանի, Նար-Դոսի, Հովհաննես Թումանյանի, Վահան Տերյանի, Ստեփան Զորյանի ասույթները մեր հազարագանձ ու ճոխ լեզվի մասին: Նրանք ստացել էին հանձնարարություն՝ նշված գրողներից որևէ մեկի մասին հավաքել տեղեկություններ և պատրաստել հաղորդում կամ զեկուցում:

  Դասարանում մեծ ոգևորություն էր. Պատրաստ էին դասին բոլորը. Նրանք դասամիջոցին փորձում էին ասելիքը, պատկերացնում էին իրենց որպես հաղորդավարներ կամ ամբիոնի առջև կանգնած զեկուցողներ: 

  Հնարավոր չէր առանց ժպիտի նայել նրանց իրարանցմանը: 

  Կարդում էին, ներկայացնում, իրենք էլ գնահատում էին իրենց աշխատանքը: Հետաքրքիր, բովանդակալից դաս էր:Ներկայացնում ենք պատառիկներ դասից:

Մեր դասարանը